قصيده عن بر الوالدين

اليكم القصيده


يقول الذي يقرا بليا مكاتيب
يا اللي تعذلون العمى من عناكم


تسمعوا مني كلام بترتيب
نصيحة من شايب به عناكــــــــم

ياعيال انا ليه عليكم مطاليب
وهذا محل اقعودنا في ذراكـــــــم

دليت ادوبح فوق عوج المذاريب
وخطاي قصرت يوم طالت خطاكم

ياما تمسعرت العرب كني الذيب
من خوفتي يقصر عليكم عشاكم

من حبكم رطبت انا القلب ترطيب
يفز قلبي يوم يبكي حداكـــــــــــم

يا عيال وان صرتوا ضيوف اومعازيب
سهل النبا ياعيال ملحة قراكم

والمذهب الطيب ترى المذهب الطيب
ترى ردا المذهب يبور نساكم

ترى البلاسه من كبار العذاريب
وفعل البلايس ما يطول لحاكم

وصيور ماهو عاوي دوني الذيب
لامت ما افرق طيبكم من رداكم

ومجالس الرديان يعدي بلا ريب
ومجالس الطيب يطيب حداكم

واليوم هـذى لحيتـى كلهـا شيـب
وهذا مكان تويضعـى فـى ذراكـم

ياعيال بعتونى بصفـر العراقيـب
ماهـى حقوقـى سـود الله قراكـم

قمت اتوكا فوق عـوج المطاليـب
وقصرت خطانا يوم طالت خطاكـم

ياعيال من حقى عليكـم مطاليـب
عطونى القرضـه جـزاء ماوتاكـم

المنسب الطيب على المنسب الطيب
المنسـب الطيـب يزكـى خفاكـم

خوالكم بالطيـب تـروى المغاليـب
ياعيال مدرى هالرداء منين جاكـم

ياعلكـم فـى حاميـات اللواهيـب
ياللى علـى الوالـد كثيـر لغاكـم

قصيتكم واسميـت وادى سلاحيـب
لقيـت بالصبخـاء مدافيـق ماكـم

الناس تـدرى بالـردى والمعاييـب
لاقبل حديكـم قيـل جاكـم بلاكـم

مانى بفاضحكم بوسـط الاجانيـب
بفعالكـم يـدرون كـل اقربـاكـم

وش علمكـم ياتاركيـن المواجيـب
لـو تتبعـون الجـد محـد شناكـم

شفت الجفاء والحيف والغلب والريب
اهبـو هبيتـو ابــدد الله نمـاكـم

عسـى نساكـم ماتولـد ولاتجيـب
تغيب شمس الصبح ويظلم سماكـم

هذا كلامي ياعيالي وانا اديب
والله على درب الرسول يهداكم